Seleccionatz vòstra lenga
Lo Congrès permanent de la lenga occitana
Lo Congrès es l'organisme interregional de regulacion de la lenga occitana. Amassa las institucions e las federacions istoricas occitanas e es sostengut per las collectivitats e lo ministèri de la Cultura - DGLFLF.
COMPETÉNCIAS
Lo Congrès a desvolopat tres pòls de competéncias a l'entorn de las tecnologias de la lenga, de servicis avent per tòca la socializacion de la lenga per las collectivitats e las entrepresas, e de la regulacion e la normalizacion de la lenga occitana.
TAL
Lo Congrès crèa d'espleches e coordina de programas dins lo domeni del tractament automatic de la lenga (TAL) per l'occitan.
Socializacion lingüistica
Prepausa de servicis de traduccion o de conselh e mena d'accions avent per tòca la socializacion de la lenga occitana.
Nòrmas e normalizacion
Lo Congrès es l'institucion academica de regulacion de la lenga occitana. Produtz dins aquel encastre de las ressorsas e espleches de referéncia a destinacion del public.
SERVICIS
Lo Congrès prepausa un ensemble d'aplicacions en linha : traductor automatic, multi-diccionari, sintèsi vocala, conjugueur, etc., aital coma de ressorsas pels professionals del desvolopament informatic, dels espleches pels professionals de la lenga e de las aplicacions accessiblas per las malvoyants.
Grand public
Multidictionnaire, traductor automatic, sintèsi vocala, wiki de gramatica, clavièr occitan per Android, son qualques unas de las aplicacions grand public.
Professionals de la lenga
Sistèma de recèrca avançada, còrpus textuel e audio, phonétiseur, basa textuelle occitana e autras ressorsas de poncha al servici d'un public d'especialistas.
Collectivitats e entrepresas
Lenga e societat es un servici a las collectivitats e a las entrepresas per una integracion melhora de la lenga occitana dins la vida vidanta.
Ensenhaires e formators
Dels jòcs a l'entorn de la lenga, de las expressions, de las citacions e dels provèrbis en occitan, de las anecdòtas sus las vilas d'occitanie aital coma d'autres espleches pedagogics e ludics.
Webmèstres & desvolopaires
La Farga numerica es lo portal collaboratiu TAL (tractament automatic de la lenga) per l'occitan.
Malvoyants
Per tal de prepausar sas aplicacions al mai grand nombre, lo Congrès a realizat la mesa a l'estandard accessible del dicodòc, del verbòc e del topòc.
ACTUALITATS
Retrobatz tota l'actualitat del Congrès, l'avançament de nòstres projèctes aital coma las tematicas que seguissèm quotidianament per vosautras coma la recèrca, las publicacions e las ressorsas novèlas vos podent èsser utilas. Abonatz a nòstra letra de ligason se desiratz recebre aquelas actualitats per email.
Amb vos anarem mai luènh !
Aimatz e utilizatz las aplicacions desvolopadas pel Congrès, e desiratz nos ajudar a anar mai luènh ?
Sètz al bon endrech.
Gràcias a vòstra ajuda avançarem mai lèu e anarem mai luènh dins lo desvolopament d'aplicacions, de servicis e de foncionalitats utilas al quotidian de totes los occitans.
Reconeissença vocala en occitan
Contribuïssètz a la collècta de ressorsas vocalas
Podètz ajudar lo Congrès en balhant vòstra votz sus nòstra plataforma RevOc. Mai aurem d'escapolons, melhors seràn los espleches que desvoloparem per vosautres.
Collècta de donadas
Participatz a la collècta de donadas.
Desiratz versar de donadas (còrpus textuel, enregistrament, videos jos titoladas,...), contactatz-nos per email o telefòn (05.32.00.00.64) per tal de veire amassa coma procedir.
Sostenètz lo Congrès
Ajudatz la creacion d'aplicacions occitanas.
Podètz ajudar lo Congrès en fasent un don sus la plataforma mesa en plaça a aquel efièch. Aqueles dons serviràn a crear de novèlas foncionalitats, o de novèlas aplicacions.
SOSTENES
Lo Congrès pòt conduire sas activitats gràcias al sosten financièr de sos partenaris publics.
