Topòc es una basa de donadas de toponims occitans. Es estada creada per respondre a la demanda d'una basa unica que contendriá totes los toponims normalizats en occitan, tant los del territòri coma los noms de païses e de vilas internacionals.
De nombrosas òbras son estats menats per identificar e estabilizar las formas dels noms de luòcs en foncion de las evolucions istoricas, de las realitats sociolingüisticas e dels quadres de las politicas lingüisticas :
- País e vilas del mond (font : Inòc Aquitània).
- Comunas d'Aquitània (font : Inòc Aquitània).
- Comunas de Miègjorn-Pirenèus (font : Centre de Ressorsas Occitanas e Meridionalas).
- Comunas e lòcdiches de Dordonha (font : Novelum-IEO 24).
Lo Congrès a entreprés de los amassar dins un sol esplech. Topòc conten ja mantun toponim occitan o internacional, e serà aumentat pauc a cha pauc per venir lo mai complèt possible.