Gràcias a diferentas iniciativas, aquestas annadas an vist aparéisser de las ressorsas e dels espleches numerics fòrt utils per l'occitan e çò dins mantun domeni : patrimòni, contenguts enciclopedics e lexicals, òbras universitàrias, audiovisual, etc.
a l'entorn de la question del numeric occitan."
Ça que la, se constata que la lenga sofrís encara d'importants retards : logicials pel public grand, rets socialas, jòcs videos o encara telefòns intelligents son tant d'enjòcs crucials per la transmission de la lenga – sustot per las generacions novèlas ; l'obrador es immens.
Aquí perqué lo Congrès, amb lo sosten de l'ADEPFO (Associacion de desvolopament dels Pirenèus per la formacion) a decidit de conduire una demarcha inedita a l'entorn de la question del numeric occitan.
son tant d'enjòcs crucials per la transmission de la lenga."
Atal un vintenat de personas representativas de l'usatge social de la lenga (ensenhament, formacion, institucions, Universitat) an realizat un estudi d'uèch meses amb l'ajuda de dos organismes d'Euskadi : la societat de formacion Media.kom e la fondacion Elhuyar. An egalament encontrat d'especialistas de las tecnologias del lengatge per las lengas basca, catalana, bretona e galesa.
a conduch a una lista dels besonhs en espleches e ressorsas."
l'objectiu n'èra la produccion d'un document-quadra qu'es ara prepausat a las collectivitats partenàrias per fin que siá integrat e començat dins l'encastre de las politicas lingüisticas publicas. Aquel document fach primièr un diagnostic del numeric occitan amb un inventari de l'existent (diccionaris en linha, correctors ortografics, etc.) e establiguèt puèi una lista dels besonhs en espleches e ressorsas : traductors automatics, clavièrs predictius pels telefòns intelligents, etc.