Lo Congrès permanent de la lenga occitana a engatjat una associacion transfrontalièra – LINGUATEC - dins l'encastre del segond apèl a projèctes del programa 2014-2020 del POCTEFA (Programa de cooperacion transfrontalièra Espanha-França-Andòrra, finançat pels fonzes europèus FEDER).
LINGUATEC es un projècte ambiciós de desvolopament de las ressorsas e dels espleches numerics de las lengas pirenencas a lo qual participan lo Congrès permanent de la lenga occitana (Novèla/Aquitània), Euskaltzaindia-Real academia de la lengua vasca, l'Universidad del País vasco/Euskal Herriko Unibertsitatea, la fondacion Elhuyar (Euskadi), la Sociedad de gestión e de promoción del turismo aragonés – SLU (Aragon), lo CNRS-Delegacion regionala de Miègjorn-Pirenèus (Occitània). L'Ofici public de la lenga basca, l'Ofici public de la lenga occitana, lo CIRDÒC (Occitània) son membres associats del projècte.
pel dévelopement d'espleches numerics"
l'objectiu es - per la cooperacion transfrontalièra e lo transferiment de tecnologias - de desvolopar e difusar de novèlas ressorsas e aplicacions lingüisticas innovantas per l'aragonés, lo basc e l'occitan : traductors automatics, reconeissença vocala, sintèsi vocala, corrector ortografic, analisi sintaxica e morphosyntaxique. Aqueles espleches numerics de granda difusion an per objectiu de contribuïr al desvolopament e a l'intercompreneson numerica entre las diferentas lengas aital coma al melhorament de lor transmision e de lor difusion.
Aquela iniciativa repren egalament los aisses fòrts del diagnostic e de la fuèlha de rota de desvolopament numeric de l'occitan pilotat per l'ADEPFO en 2014. Aquel document-quadra, a lo qual èran associats de representants del ministèri de la Cultura e de diferentas collectivitats, prepausa un programa d'accion per desvolopar las ressorsas numericas per l'occitan. Coma o descriu l'estudi europèu Meta-Net, s'agís là d'un enjòc màger per l'avenidor de las lengas- e donc de las politicas lingüisticas - a lo qual es possible de respondre de faiçon eficaça amb un minimum de metodologia e de mejans.
de Desvolopament Regional"
LINGUATEC (EFA227/16) « Desvolopament de la cooperacion transfrontalièra e del transferiment de coneissença en tecnologias de la lenga » es un programa retengut pel segond apèl a projèctes del Programa de Cooperacion Territorial Espanha-França-Andòrra POCTEFA (2014-2020) qu'a per objectiu lo transferiment de tecnologias e lo desvolopament de ressorsas e d'aplicacions lingüisticas innovantas en aragonés, basca e occitan.
Mai d'informacion sul sit : linguatec-poctefa.eu