Lo projècte Lexics a per tòca de formatar en XML (segon la nòrma TEI) totes los diccionaris, lexics especializats, basas toponimicas, lexics flexionals del Congrès e de sos partenaris. Aqueles lexics formatats pòdon puèi èsser integrats dins d'espleches de TAL (corrector ortografic, traductor automatic, clavièr predictiu) o utilizats per generar automaticament o semi-automaticament d'autras ressorsas (diccionaris de sinonims, diccionaris de rimas, diccionaris de locucions...).
La redaccion de la fuèlha de rota de desvolopament numeric de l'occitan, en 2014, a soslinhat lo besonh pels actors del TAL occitan de dispausar de balhadas standardisables e interopérables. Lo Congrès a donc lançat aquel projècte qu'a per tòca de tornar sos lexics croisables amb sas autras ressorsas (coma sos lexics, que son eles tanben formatats en XML-TEI) e las de sos partenaris.
totas sas ressorsas al format TEI"
Aquel formatage torna egalament las ressorsas legiblas per las maquinas. La nòrma TEI (Text encoding iniciativa) es un format de balisatge pel lengatge XML (Extensible Markup Language). Permet, gràcias a de balisas, d'indicar la natura de cada element d'un tèxt (mot, frasa, morfèma...). Atal, las maquinas pòdon conéisser la natura de cada element d'una dintrada. Per exemple, sabon qual es lo mot-vedeta, quala es sa traduccion, quala es la categoria gramaticala de sa traduccion... Aquò permet de generar automaticament de novèlas ressorsas en tirant solament çò dont i a besonh, per exemple un mot e son femenin per bastir un lexic de formas plegadas, un mot e sa traduccion per bastir un lexic per un traductor automatic...
de novèlas ressorsas"
lo projècte Lexics a permés de desvolopar de ressorsas per mantun esplech del Congrès :
- Lo traductor automatic Revirada
- Lo phonétiseur utilizat per la sintèsi vocala Votz
- Los clavièrs predictius e correctors ortografics Dicodòc
- D'unes diccionaris del Dicodòc : locucions, sinonimas
- Laboratòri, l'esplech de consulta avançada de lexics occitans