Un operator lingüistic al servici de las collectivitats
L'IGN aital coma las regions Novèla Aquitània e Occitània / Pirenèus-Mediterranèa reconeisson lo Congrès permanent de la lenga occitana, organisme interregional de regulacion lingüistica de l'occitan, coma organisme competent dins lo domeni de la toponimia occitana. Lo Congrès desvolopa dins aquel encastre los aisses seguents :
- Enquèstas micro-toponimics.
- Restitucion o validacion ortografica dels noms de comunas.
- Restitucion o validacion ortograficas de las odonymes (micro-toponims urbans).
- Estudi anterior a la mesa en plaça d'una senhaletica bilingua (collectivitats territorialas, establiments escolars, estructuras privadas).
- Coordinacion de projèctes editorials.
- Organizacion d'eveniments de valorizacion d'aquel patrimòni lingüistic.
D'un autre costat un programa estructurant de restauracion de la toponimia occitana a l'escala 1/25 000e es estat engatjat en associacion amb l'IGN. D'autras ressorsas son disponiblas. Trobaretz l'actualitat e las realizacions toponimicas del Congrès sus son portal dedicat, Lenga & Societat.
Topòc, basa toponimica referenciala
Topòc es una basa de donadas de toponims occitans. Es estada creada per respondre a la demanda d'una basa unica que contendriá totes los toponims normalizats en occitan, tant los del territòri coma los noms de païses e de vilas internacionals.
Lo Congrès a entreprés de los amassar dins un sol esplech. Topòc conten ja mantun toponim occitan o internacional, e serà aumentat pauc a cha pauc per venir lo mai complèt possible.
OpenStreetMap
OpenStreetMap es una basa cartografica collaborativa en còdi dobèrt. Vertadièr pendent cartografic de Wikipédia, permet a tot un cadun de contribuïr, quala que siá sa lenga, a una plataforma qu'es d'ara enlà vengut un estandard numeric, segon l'exemple de Géoportail e de Google Maps, integrat dins de nombroses sits e aplicacions.
Lo Congrès a versat a la comunautat l'ensemble de sas donadas toponimicas e lo trabalh remarcable dels benevòls permet uèi de prepausar al public una carta occitana regularament aumentada.