Lo Congrès permanent de la lenga occitana es una associacion de drech francés (lei 1901). Son Amassada generala es compausada :
- de partenaris institucionals e associatius, que regropan la majoritat dels cercaires, dels ensenhaires e dels actors culturals que fan viure l'occitan e contribuïsson a sa valorizacion e a sa transmission ;
- de partenaris publics que participan a títol consultatiu.
e dels actors culturals que fan viure l'occitan" l'associacion
s'apièja sus dos Conselhs assessors : lo Conselh lingüistic, organ scientific del Congrès, e lo Conselh dels usatgièrs, qu'a per mission de representar la demanda sociala. Los membres dels Conselhs assessors son representatius de la diversitat dels territòris e dels actors de la lenga occitana.
Un espaci de mutualizacion e de cooperacion
Lo Congrès fonciona coma una « CUMOC » (cooperativa d'utilizacion de material occitan) : es un espaci de mutualizacion e de cooperacion entre sos membres. Aquestes an de missions e de las competéncias e pòdon, gràcias al Congrès, los valorizar melhor, los desvolopar e los tornar lors produccions mai coerentas.
l'existéncia d'espleches de referéncia"
I a tanben diferents contribuïdors (particulars, associacions) qu'an de produccions mas que los pòdon pas difusar : un de las tòcas del Congrès es de far conéisser al public grand l'existéncia d'espleches de referéncia e de li permetre d'i accedir. Atal los portals Internet del Congrès prepausa al public dels espleches de trabalh en linha, reconeguts e validats : diccionaris, lexics especializats, gramaticas, atlasses toponimics, etc..
En se prement sos membres, lo Congrès es tanben un luòc d'organizacion e de planificacion de las produccions restant a realizar.
Lo burèu del Congrès permanent de la lenga occitana
- President : Gilabèrt Mercadièr, Inspector Pedagogic Regional onorari del Rectorat de Tolosa.
- Vicepresident : President de l'Institut d'Estudis Occitans.
- Vicepresident : Patric Sauzet, lingüista, professor a l'Universitat de Tolosa – lo Mirail, secretari general de l'Associacion Internacionala d'Estudis Occitans.
- Tresaurièr : Sèrgi Javaloyès, ancian director de l'Inòc Aquitània.
- Secretari : Cyril Gispert, director del CIRDÒC.