Seleccionatz vòstra lenga
L Congrèsses a desvolopat pel public ensenhant una serias de ressorsas pedagogicas : un precís de gramatica, una basa d'expressions, de las devinalhas terminologicas, un annuari de ligams utils e aital coma diferents jòcs. Los usatgièrs pòdon egalament utilizar Occitanica per efectuar de recèrcas dins los diferents fonzes numerizats del Cirdòc.
L'informatica e lo tractament automatic del lengatge permeton la construccion d'espleches plan variats, dont d'espleches pedagogics. Avèm realizat per vosautres qualques jòcs que presentam sul sit pedagogia.eu. Una faiçon ludica d'arrestar l'occitan.
En mai dels jòcs trobaretz d'autres espleches, dels tutoriaux, una basa d'expressions amb la basa Expressoc, e un precís de gramatica amb Punt de lenga.
Trobaretz enfin d'activitats pedagogicas a realizar en utilizant los espleches del congrès e de sos partenaris.
En seguissent lo modèl de l'Expressòc , que conten de fichas per descobrir d'expressions occitanas en multimèdia, La Passejada presenta de vilas tiradas de la basa toponimica Topòc, amb una fotografia, de las causas curiosas a saber sus la comuna e un ligam cap a sa pagina wikipédia.
Descobrissètz Sant-Beat e sas carrièras de marmes, la font dels pissaires de La Cauna, lo vin reial de Juranson, la "Peyro Clabado" del Sidobre, e plan d'autres luòcs e istòrias passionantas
Expressòc es una basa de donadas de las expressions, de las citacions e dels provèrbis en occitan, associats a d'illustracions sonòras. Las fichas d'Expressòc prepausan egalament un ligam cap al Wikccionari, lo projècte de diccionari collaboratiu occitan de Wikipédia.
En constanta evolucion, expressòc compòrta près de 1000 expressions e citacions, totas acompanhadas d'un imatge e d'un son.
Expressòc met egalament a vòstra disposicion un motor de recèrca dins un tablèu simplificat, comprenent l'expression en occitan e la traduccion en francés, aital coma un ligam cap a la ficha.
Quand utiliza l'intelligéncia artificiala, lo tractament automatic del lengatge a besonh d'una quantitat granda de donadas.
Per tal de crear un fonzes grand de ressorsas lingüisticas que sián representatiu de la diversitat dels locutors de l'occitan, e poder puèi desvolopar d'aplicacions intelligentas que benefícian gratuitament al mai grand nombre, avèm besonh de vòstra ajuda.
Per nos ajudar, podètz accedir al sit contribuir a aquela adreça : https://contribuir.locongres.com/. Trobaretz a vòstra disposicion dels espleches de versament de tèxtes e d'enregistraments videos e/o sonòras.
470 000 dintradas
2,2 milions de formas conjugadas
2,2 milions de mots
E plan + encara !