La produccion de nòrmas e òbras normativas
La produccion de nòrmas e òbras normativas, dins diferents domenis de la lenga, segon lo principi màger del refortiment de l'unitat prigonda de la lenga e del respècte de sa diversitat, es una de las missions que li son estadas fisadas : nòrmas graficas e lingüisticas, lexicografia, lexicologia, terminologia, neologia, fonologia, grafia, gramatica, toponimia, etc…
Aquelas missions son eissidas d'un procediment collectiu e democratic qu'amassa las collectivitats, las institucions e las federacions istoricas occitanas, e qu'a menat a l'installacion oficiala del Congrès a l'ostalariá de Region d'Aquitània a Bordèu, lo 18 de decembre de 2011.
e sul Conselh dels usatgièrs, l'autre conselh assessor del Congrès."
Fòrt de la reconeissença publica e sociala, Lo Congrès s'apièja sus son Conselh lingüistic, una equipa de lingüistas representatius de l'ensemble de l'espaci occitan. Aquel Conselh garantís l'excelléncia scientifica e academica de las produccions de nòstra institucion. Lo Conselh dels usatgièrs, l'autre conselh assessor del Congrès, amassa de representants dels sectors de la transmission e de la difusion de la lenga, çò que permet d'associar e de prene en compte la demanda sociala.
Lo portal internet locongres.org, qu'a primièr respondut als besonhs prioritaris dels usatgièrs, sustot per la lexicografia en linha, prepausa ara un espaci dedicat a las nòrmas e òbras normativas, que serà progressivament agrandit e enriquit.