Lo Congrès perseguís la creacion d'una basa descriptiva de donadas qu'amassa la totalitat de las dintradas lexicalas presentas dins los diccionaris, lexics e autres glossaris redigits entre l'Edat Mejana a uèi. Aquela basa a per objectiu d'èsser un diccionari scientific descriptiu de la lenga occitana, accessibla en linha pels especialistas e lo public avertit. Serà aisidament consultabla, modificabla e extensibla.
Aquela òbra a long tèrme es en efièch necessari per menar un trabalh lexicografic avançat. Constituïrà un còrpus scientific per la coneissença completa de lenga occitana e per la creacion d'autres espleches lexicografics : diccionaris d'orientacion, lexics especializats, etc.
Lo projècte serà conduch en associacion amb lo CIRDÒC - Centre Interregional de desvolopament de l'occitan – qu'es operator de la Bibliotèca Nacionala de França dins lo quadre un vast projècte pluriannal de numerizacion de l'ensemble del patrimòni occitan. Aquel projècte compòrta donc la numerizacion de l'ensemble dels diccionaris occitans e dels diccionaris occitans istorics. Lo Congrès portarà l'autoritat scientifica necessària per constituïr una basa de donadas exaustiva e valida a partir de diccionaris e de dintradas identificats.