Lo Conselh lingüistic pòrta al Congrès permanent de la lenga occitana l'expertesa de lingüistas, d'especialistas de l'estudi dels tèxtes occitans e d'escrivans de lenga d'òc. Per contribuïr a la mission globala del Congrès permanent qu'es de promòure l'occitan dins son unitat e lo respècte de sas diversitats, lo Conselh lingüistic vèlha a la coeréncia e a la permanéncia de la codificacion de lenga, segon los principis pausats per Loís Alibèrt, completats e precisats pels lingüistas de l'Institut d'Estudis Occitans (IEO), sustot Pèire Bèc, Robèrt Lafont e Jacme Taupiac, puèi pel Conselh de la lenga occitana (CLO).
de l'estudi dels tèxtes occitans e d'escrivans de lenga d'òc"
lo Congrès permanent de la lenga occitana apiejat per son Conselh lingüistic es d'ara enlà reconegut per mantuna collectivitat territoriala occitana coma l'instància que gerís la codificacion e las nòrmas de la lenga occitana.
per mantuna collectivitat territoriala"
los membres del Conselh lingüistic del Congrès permanent de la lenga occitana venon de totas las Regions occitanas e los territòris de lenga occitana. Lo Conselh lingüistic elegís un burèu e un president. Lo Conselh forma coma de besonh de las comissions per tal de contribuïr a la realizacion de las òbras del Congrès e de garantir lor qualitat scientifica.
Lo burèu del conselh lingüistic
- President : Patric Sauzet
- Vicepresidents : Cecila CHAPDUELH e Arvei LIEUTARD
- Secretària : Rafèu SICHEL-BAZIN
- Membres del burèu : Maria Anna CHATEAUREYNAUD, Gerard LIGOZAT, Nicolàs QUINT, Joan ROS (Roux)