ROLF es una associacion entre lo Congrès permanent de la lenga occitana, CLLE-ERSS (CNRS/Universitat Tolosa Joan Jaurés), Abitar lo mond (Universitat d'Amiens) e LiLPa (Universitat d'Estrasborg) sostengut dins l'encastre de l'apèl a projèctes « Lengas e numerica » de la Delegacion generala a la lenga francesa e a las lengas de França-ministèri de la Cultura e la Comunicacion.
per las tres lengas del projècte"
Aquel projècte s'inscriu dins la continuitat del projècte ANR RESTAURA (Ressorsas informatizadas e Tractament Automatic per las lengas REgionales) dins lo quadre de lo qual mantuna ressorsa e espleches de TAL (Tractament automatic del lengatge) son desvolopadas per tres lengas de França : alsacian, occitan e picard. Las realizacions dels objectius de RESTAURA son en bona via. Aquò essent, los desvolopaments son estats realizats de faiçon concertada mas independenta per las tres lengas. L'idèa que sòus-tiba la presenta proposicion es de definir per las ressorsas lexicalas un format unic que permetriá de crear lo meteis tip de ressorsa per las tres lengas, de prepausar de ressorsas dont lo format e las anotacions serián identicas (amb per exemple los meteisses jòcs d'etiquetas per las categorias similaras dins las diferentas lengas), e d'aver d'espleches d'ajuda a la creacion d'aquelas ressorsas que serián partejats per las tres lengas.
per mutualizar los desvolopaments"
los desvolopaments son estats realizats de faiçon concertada mas independenta per las tres lengas amb l'objectiu de la creacion d'un lexic de formas plegadas per caduna d'entre elas. L'idèa que sòus-tiba la presenta proposicion es de religar los lexics de caduna de las tres lengas entre eles en utilizant lo francés coma lenga pivòt e de desvolopar de formats comuns pel desvolopament mutualizat de ressorsas e d'espleches.
Gràcias al desvolopament concertat per aquelas tres lengas, es estat egalament possible de prepausar al public grand una primièra version en occitan del clavièr predictiu (prevista per la Fuèlha de rota de desvolopament numeric de l'occitan pilotada pel Congrès), mas egalament en alsacian e en picard.