Qualques jorns abans la debuta de l'estiu, la Region Novèla Aquitània, lo Departament d'Òlt e Garona e la Vila d'Agen, en associacion amb la Region Occitània Pirenèus Mediterranèa, vos convidan a venir participar las 13 e 14 junh venents a Agen, als Rencontres occitans de las lengas e culturas regionalas, un eveniment co-organizat per la Region Novèla Aquitània, lo Departament d'Òlt e Garona, la Vila d'Agen e en associacion amb la Region Occitània / Pirenèus-Mediterranèa.
Cadun son torn, las Regions Occitània / Pirenèus-Mediterranèa e Novèla Aquitània organizaràn aqueles Rencontres occitans annals en federant las fòrças vivas del territòri d'acuèlh.
S'agirà de prepausar un espaci per que totas aquelas e totes los qu'an a còr, dins de posturas divèrsas (elegits, agents publics, benevòls e salariats associatius) de defendre la plaça de la lenga occitana e d'assegurar son avenidor, s'encontren, escàmbian e definiguèsson amassa de las perspectivas comunas. Aquelas reflexions seràn menadas amb l'apòrt e en fàcia dels questionaments e de las experiéncias bastidas dins las autras airas de lengas regionalas pertot en França.
Sòus forma de talhièrs tematics a l'entorn de l'educacion, la formacion, la cultura, l'entrepreneuriat, de nombrosas personalitats confrontaràn lors ponches de vista, lors experiéncias, mas sustot, temptaràn de formular amb los participants de las pistas per l'avenidor.