Lo Congrès èra present a Matemale, en Pirenèus Orientals, a l'escasença de las jornadas de formacion dels agents dels PNR (Pargues naturals regionals) de la region Occitània, doas jornadas de sensibilizacion a las lengas e culturas occitanas e catalanas.
Aqueles rencontres, amassant los uèch Pargues naturals regionals (PNR) d'Occitània, avián luòc dins l'encastre del plan Parlem una cultura viva de la region.
Los autres partenaris èran egalament presents : l'Ofici public de la lenga occitana, lo CIRDÒC-Institut occitan de cultura, l'Oficina Pública de la Llengua Catalana, l'Universitat de Perpinhan Via Domitia e l'Institut d'Estudis Catalans.