L'associacion La Gardarem prepausa una version renovelada del festenal de l'Estivada, en 2024 a Sebasac. Per sostenir lo projècte, es possible d'aderir.
L'associacion a per objècte de defendre e promòure la lenga e la cultura occitanas al près del public grand, en participant al desvolopament e a la promocion del territòri per d'accions culturalas e artisticas, en sostenent e en fasent conéisser la creacion contemporanèa.
Es dins aquel encastre que prepausa Nov’Estivada, una version repensada del festenal de l'Estivada, per tal de remetre en valor l'omnipreséncia de la lenga occitana, l'obertura a las culturas del mond, lo caractèr interregional e transfrontalièr, lo bolhiment cultural d'aquel festenal.