Actualitats

Novèlas de sciéncia-ficcion, provèrbis, poesias en musica, questions de societat… Las novetats literàrias del mes d'abril de 2024.

• L'IEO Òlt ven de publicar l'obratge Saviesa de Carcin : 980 provèrbis reculhits per l'abat Lacoste (1851-1924). Aqueles provèrbis, majoritàriament inedits, son estats reculhits dins 39 comunas principalament situadas en val d'Òlt.
  Ne saber mai
  
  
• Las edicions Lambert-Lucas prepausan una reedicion del Pichon diccionari provençal-francés d'Emil Levy.
  « Dins lo títol del diccionari Pichon, provençal significa “lenga d'òc de l'Edat Mejana, ancian occitan”, segon un usatge "partissi prò toto" uèi menaçat de desuetud en França. Lo provençal de Levy englòba de fach, sus un pè d'egalitat, totas las varietats de l'occitan… » (Extrach de l'abansprepaus de Jean-Pierre Chambon)
  Ne saber mai
  
  
• Doas sortidas als edicions Per Noste : 
  
  • Novèl obratge d'anticipacion : Comuns Papèrs de Canhàs.
    « De citat hypertechnologique al desèrt pòst-apocaliptic, una idèa demòra invencida : la Vida pòt pas èsser reducha al silenci. »
    Ne saber mai
  • Novèla parucion de sciéncia-ficcion : Negre mat, un recuèlh de sèt novèlas per Philippe Biu sortit al mes de març.
    Ne saber mai
    
    
• Doas novèlas sortidas joventut a las edicions Edite-me : 
  
  • Sòmis de savana de Bertrand Albèrga, illustrat per Anne Rizzo. Un conte bilingüe occitan/francés, traduch en occitan pels escolans del collègi Louis Denayrouze d'Espaliu (Avairon).
    Ne saber mai
  • Bon viatge, pichon tren ! de Sylvie Ferrero. L'istòria del viatge d'un tren pichon e de sos passatgièrs.
    Ne saber mai
    
    
• Parla a un pòble, un libre novèl-CD d'Eric Fraj que serà consacrat a l'òbra poetica de Robert Lafont, sortirà a la fin d'abril a las edicions Tròba Vox. De notar qu'es d'ara endavant possible de l'aquerir per soscripcion.
  Ne saber mai
  
  
• Las edicions Reclams venon de publicar lo segond tòm de l'ABC del Saber, libre-revista qu'estúdia de grands subjèctes d'actualitat a partir d'una pluralitat de disciplinas e de perspectivas. Aqueste es consacrat a l'energia, dins lo mond, dins l'istòria, dins los enjòcs actuals.
  Ne saber mai