Es amb una tristesa granda qu'avèm aprés lo decès de Gilbert Narioo, subrevengut lo 6 d'abril darrièr...
Cronicaire, lingüista, traductor, èra conegut per son engatjament associatiu al benefici de l'occitan, per sustot lo movement Calandreta, Ràdio País e lo jornal La Setmana.
Autor actiu dels edicions Per Noste, aviá redigit al costat de Michel Grosclaude e de Patrick Guilhemjoan, lo Diccionari francés/occitan (gascon), una referéncia en matèria de lexicografia occitana que los usatgièrs del Dicodòc coneisson plan, del Repertòri de las conjugasons gasconas (totjorn amb M. Grosclaude) e de Parlar plan, un obratge realizat a partir d'una cronica eponima de la revista País gascons dins la quala Gilbert Narioo respond a las questions dels que vòlon melhorar lor lenga.