L'equipa del Thesoc a mes en linha una interfàcia novèla de consulta dels Atlasses lingüistics amb mantuna foncionalitat : barra de recèrca unica, sistèma de filtres, possibilitat de comparason, generacion de cartas (amb possibilitat d'exportacion), etc.
Per rampèl, lo Thesoc (Thesaurus occitan) es un esplech de referéncia basat al laboratòri UMR 7320 CNRS - Universitat Còsta d'Azur e mes a la disposicion de totas e totes, qu'aquel siá dins lo domeni de la recèrca, de la pedagogia o del public grand. Compòrta de milièrs de donadas lingüisticas occitanas, eissidas d'enquèstas de terren o d'analisis.
Compòrta dos contravents :
- De ressorsas : mots, tèxtes, sons, videos, imatges
Es un tresaur amassant una molonada de donadas lingüisticas occitanas, que procedisson totas de fonts oralas.- donadas lingüisticas e périlinguistiques eissidas d'enquèstas de terren :
- cartas e quasernets d'enquèsta dels Atlasses lingüistics
- monografias
- enregistraments sonòrs e videos
- documents iconografics
- donadas lingüisticas procedissent d'analisis ja realizadas :
- dins lo domeni de la lematizacion
- dins lo domeni morfologic
- dins lo domeni etimologic
- etc...
- donadas bibliograficas
- donadas lingüisticas e périlinguistiques eissidas d'enquèstas de terren :
- Dels espleches d'analisi
Lo THESOC es actualament en plena refonda. Sas foncionalitats seràn implementadas progressivament sul sit.