La FELCO-CREO a lançat un apèl a contribucions pel numèro 6 de la revista Plumères, en seguida de Fabienne Garnerin, defuntada l'an passat e dont l'associacion a représ lo trabalh.
Es aicí prepausat de realizar un estudi aprigondit de l'òbra de Jean Ganiayre, escrivan en occitan lemosin, per la tematica seguenta : Joan Ganhaire, diversitat dels genres e unitat de l'òbra.
Los principals aisses d'estudi suggerits son los seguents (son pas exaustius) :
- L'environament, lo paisatge
- La posicion de l'escrivan
- Los genres literaris
- D'autras pistas (biografica sustot).
Calendari :
- Recepcion dels articles entre lo 1èr e lo 30 de mai de 2024
- Somission al comitat d'avaloracion entre lo 1èr de junh e lo 30 de junh de 2024
- Composicion del numèro en julhet e agost de 2024
- Relecture de las espròvas en setembre-octobre de 2024.
- Parucion del numèro : novembre de 2024.