Aprendissatge de la lenga, memòrias de nòbla, sortida joventut... : cinc novèlas publicacions mesas en lum.
1. Assimil a inclús son metòde d'occitan dins un novèl format publicat en 2023, lo cofret Aprene una lenga regionala. Aqueste compren un accès a lor aplicacion per l'aprendissatge de l'occitan, aital coma de breton, del catalan e del còrs. L'aplicacion permet d'aténher un nivèl B2 en una centena de leiçons.
2. En arrancant a l'oblit e en editant, amb rigor e competéncia, aquel Libre de memòrias del senhor Mermet Claret, dins son tèxt occitan, Jean-Claude Rixte torna un servici grand a la comunautat scientifica : sustot als istorians o etnològs que s'interèssan al foncionament del pastoralisme per las edats e los territòris, als lingüistas estacats a l'estudi de la variacion del lengatge dins l'espaci, particularament dins aquela partida septentrionala del domeni occitan.
- Comanda al près de : Daufinat-Provènça, tèrra d'òc - IEO 26 Ostal dels servicis publics Servici de la vida associativa 1, avenguda Sant Martin 26200 Monteleimar Tal. : + 33 6 07 64 14 70 o + 33 6 31 87 92 12 corric :
Aquela adreça corric es protegida contra los robòts spammeurs. Devètz activar lo JavaScript per la visualizar.
3. Los edicions Per Noste venon de publicar Timotèu que va tà l'escòla, traduccion de l'album de Rosemary Wells. Una istòria corta sul fach de non pas èsser perfièch, per desdramatizar la dintrada.
4. Dempuèi 2018, los Talhièrs occitans de Corresa publican Lo país vòstras parlèt, cronics en occitan, dins lo jornal La Montanha. Las cronicas son estadas amassadas en un recuèlh, Lo país vòstres parlèt : Cronicas occitanas del quotidian La Montanha, menat per Jean-Pierre Lacombe e Sylvette Marty e paregut en fin d'annada 2023.
5. Novèla publicacion de l'AELOC , Diccionari del parlar meridional, de René Domergue. Los mots e expressions ausits dins las annadas 1950-60 en país de Nimes, son confrontats als païses de meteissa cultura : Camarga, Cevenas, Provença fins a Marselha e en delà... Oèst-lengadocian (Montpelhièr, Besièrs) e incursions en país tolosan. Mai de 5 000 mots e expressions.