Vielha e Mijaran
Vielha e Mijaran Vielar i Mitjaran (ca) Vielar Mitg Arán (ès) | |
Eraldica |
|
Administracion | |
---|---|
País | Espanha |
Estatut | Comuna |
Comunautat autonòma | Catalonha |
Província | Lhèida |
Encontrada | Val d'Aran |
Districte judic. | Vielha |
Maire Mandat |
Juan Antonio Serrano Iglesias 2019-2023 |
Còdi postal | 25530 |
Demografia | |
Populacion | 5 765 ab. () |
Densitat | 27 ab./km2 |
Geografia | |
Coordinadas | 42° 42′ 05″ nòrd, 0° 47′ 44″ es |
Altitud | 980 m |
Superficia | 21 174 ha = 211,74 km2 |
Rivière(s) | Garona |
Localizacion | |
Ligams | |
Sit web | www.vielha-mijaran.org |
modificar |
Vielha e Mijaran, segon sa denominacion oficiala en occitan aranés, o Vielha (Vielar i Mitjaran en catalan ; Vielar o Vielar Mitg Arán en espanhòl ; la denominacion oficiala fins en 1984 èra Vielha-Mitg-Aran), es una comuna espanhòla de la Val d'Aran, situada dins la província de Lhèida en Catalonha.
Geografia[modificar | modificar lo còdi]
Localizacion[modificar | modificar lo còdi]
Lo territòri de la comuna ocupa una superficia de 211,74 km2, siá un tèrç de la de la Val d'Aran. Es limitròf de la rèsta de Catalonha al sud, d'Aragon al sud-oèst e bordat sus una corta distància per la frontièra francesa a l'oèst.
Comunas limitròfas[modificar | modificar lo còdi]
Las comunas limitròfas son Canejan, Aran Naut, Vilaller, Ès Bòrdes, Vilamòs, Montanuy, Benasque e Banhèras de Luishon.
Geologia e relèu[modificar | modificar lo còdi]
Idrografia[modificar | modificar lo còdi]
Vielha es situat al confluent de Garona e de son afluent ribla esquèr, lo riu Nere[1].
-
Terrens de tenís a esquèrra, Garona al centre, e a drecha lo Palai de Gèu.
-
Lo riu Nere en amont de Vielha e Mijaran.
-
Lo riu Nere es frenada per un barratge pichon a sa dintrada dins Vielha e Mijaran.
-
Lo riu Nere passant davant lo Governament d'Aran.
Es uèi un centre toristic important, sustot per las estacions d'espòrts d'ivèrn de la Val d'Aran dont la mai importanta es Vaquèira Beret. La Val d'Aran es la sola region espanhòla dels Pirenèus qu'es situada sul versant nòrd del massís, donc Garona raja cap a França e puèi cap a l'Ocean Atlantic, mentre que los autres fluvis e rius dels Pirenèus espanhòls se voidan cap a la Mediterranèa, quitament los del País basc espanhòl. Lo climat i es donc plan freg en ivèrn[réf. necessari].
Vias de comunicacion e transpòrts[modificar | modificar lo còdi]
L'ais principal de comunicacions es la N-230 que met en comunicacion la Val d'Aran e França en seguissent lo cors de Garona. Al sud, la rota rejonh Lhèida pel tunèl de Vielha. Cap a l'èst, s'atenh lo pòrt de la Bonaigua, sovent barrat l'ivèrn. La Val d'Aran es donc naturalament dobèrt cap a França.
Istòria[modificar | modificar lo còdi]
La comuna es estada formada en 1970 per la fusion de las comunas de Vielha, Arròs e Vila, Betlan, Escunhau, Gausac, Vilac.
Politica e administracion[modificar | modificar lo còdi]
La comuna es administrada per un conselh de tretze membres elegits per quatre ans. En seguida de las eleccions municipalas del 26 de mai de 2019, lo partit Unitat d'Aran deten una majoritat absoluda de nòu sètis.
Lo capluòc es a Vielha, e sèt entitats municipalas descentralizadas se tròban a Arròs e Vila, Aubèrt e Betlan, Betren, Escunhau e Casarilh, Gausac e Vilac.
-
Comuna.
-
Conselh general d'Aran.
-
Governament d'Aran.
Embessonatges[modificar | modificar lo còdi]
Populacion e societat[modificar | modificar lo còdi]
Demografia[modificar | modificar lo còdi]
1900 | 1930 | 1950 | 1970 | 1981 | 1986 | 2009 | 2015 | 2017[2] |
---|---|---|---|---|---|---|---|---|
1995 | 1757 | 2139 | 2142 | 2874 | 2969 | 5710 | 5450 | 5512 |
Ensenhament[modificar | modificar lo còdi]
Lo centre d'ensenhament CEIP Garona (situat a proximitat de l'Institut d'Aran) compren 9 salas d'ensenhament pels mainatges de la mairala, 18 salas pels escolans de l'escòla primària, 5 salas de classa separadas e de gropaments flexibles, una sala polivalenta amb equipament multimèdia, un gimnasi amb vestiaris, una cantina amb cosina entièrament equipada, sala d'audiovisual, bibliotèca, sala d'informatica, sala de classa de sciéncias, sala de classa de musica[3].
L'Institut d'Aran compren mantuna categoria d'ensenhaments[4],[5] :
- L'educacion segondària, valent a dire lo collègi,
- Lo bachelierat (modalitats de Sciéncias, Tecnologia e Sciéncias Umanas),
- 2 cicles de grades Miejan (Gestion administrativa e coordinacions de grop en miègs naturals),
- 1 cicle de grade superior (animacion d'activitats fisicas e esportivas),
- Formacion professional,
- Cors d'accès als cicles de formacion pels estudis superiors,
- Formacion professionala superiora,
- Centre public.
L'escòla per adultas del CFA Val d'Aran[6] es un centre destinat a las personas sortidas del sistèma escolar; es omologada per l'acadèmia dins diferentas matèrias. Los ensenhaments son dispensats dins de centres e de las salas de formacion.
Activitats esportivas[modificar | modificar lo còdi]
Vielha es la vila-despartís de la 9na etapa del Torn de França 2016.
La Palais dels espòrts es destinat als eveniments esportius, basquet, andbòl, fotbòl en sala, etc[7].
Al ras se tròba lo palais de glaç, bastit en 1994, que dispausa de mantuna installacion, patinadoira, piscina exterior, piscina cobèrta, gimnasi, sala d'activitats, terrens de tenís exterior, etc[8].
-
Palais dels espòrts.
-
Lo Palai de Gèu.
Economia[modificar | modificar lo còdi]
Longtemps virada tradicionalament cap a las activitats agro-pastoralas (elevatge, espleitacion forestièra), l'economia es ara orientada sul torisme de montanha. Los prèses de l'immobiliari an plan fòrça progressat a Vielha e dins las comunas avesinantas.
Cultura locala e patrimòni[modificar | modificar lo còdi]
Luòcs e monuments[modificar | modificar lo còdi]
- Monument d'Aran per sa lenga
-
Monument d'Aran per sa lenga.
-
Font amb lo blason de Vielha e Mijaran.
Vielha e la Val d'Aran son particularament ricas en glèisas remontant a l'epòca medievala.
- Glèisa parroquiala Sant Miquèl, transicion romanic-gotica, dels XIIe e XIIIe sègles, amb un cloquièr gotic e un retaule del XVe sègle, e lo remarcable Crist romanic de Mitg-Aran
- Glèisa gotica Santa-Eulalie d'Arròs
- Glèisa romanica Sant Martin d'Aubèrt
- Santuari d'Artiga de Lin, a Aubèrt
- Glèisa romanica Sant Pèire, a Betlan
- Glèisa romanica Sant Pèire, a Betren
- Glèisa romanica Sant Tomàs, a Casarilh
- Vestigis romanic a Casau
- Glèisa romanica Santa Maria d'Arties
- Glèisa romanica Sant Pèire, a Escunhau
- Glèisa gotica Sant Martin, a Gausac
- Glèisa romanica Sant Laurenç, a Mont
- Glèisa Sant Estève, en partida romanica, en partida gotica, a Montcorbau
- Glèisa romanica Sant-Ròc, a Vila
- Glèisa Sant-Félix, portal romanic, retaule gotic, a Vilac
- Peira Hicada, pèira levada près de Vielha.
- Santuari de Santa-Maria de Mijaran[9]
-
Glèisa Sant Martin, a Gausac.
-
Sant Miquèl, Vielha.
-
Sant-Félix, Vilac.
-
Santuari de Santa-Maria de Mijaran.
Lenga[modificar | modificar lo còdi]
S'i parla l'aranés , varianta gascona de l'occitan , qu'a uèi estatut de lenga oficiala amb l'espanhòl e lo catalan dins l'ensemble de Catalonha.
Personalitats ligadas a la comuna[modificar | modificar lo còdi]
- Josèp Condò Sambeat (1867-1919), escrivan e prèire.
Nòtas e referéncias[modificar | modificar lo còdi]
- « riu Nere | enciclopèdia.cat », sus www.enciclopedia.cat (consultat lo )
- « Instituto Nacional d'Estadística. (Spanish Statistical Institute) », sus www.ine.es (consultat lo )
- « Vielha Mijaran :: CEIP Garona », sus www.vielha-mijaran.org (consultat lo )
- (ès) « Institut d'Aran Vielha » (consultat lo )
- (ès) « Er institut | INSTITUT d'ARAN »
- « Vielha Mijaran :: Escòla d'Adults », sus www.vielha-mijaran.org (consultat lo )
- « Vielha Mijaran :: Palai d'Esports », sus www.vielha-mijaran.org (consultat lo )
- « Vielha Mijaran :: Palai de Gèu », sus www.vielha-mijaran.org (consultat lo )
- (imatge) Santuari de Santa-Maria de Mijaran
Veire tanben[modificar | modificar lo còdi]
Articles connèxes[modificar | modificar lo còdi]
Ligams extèrns[modificar | modificar lo còdi]
- Sit oficial
- Notícia dins un diccionari o una enciclopèdia generalista :