Dels manifestants neonazis protèstan contra l'exposicion suls crimis de la Wehrmacht a Munic lo 12 d'octobre de 2002. Las afichas brandidas avián servit a la propaganda nazi — s'i pòt legir « Ruhm und Ehre dem deustchen Soldaten » (Glòria e onor als soldats alemands).
Lo mite d'una Wehrmacht a las mans netas, o la legenda de la Wehrmacht neta (en alemand : Mitomans, oder Legende der sauberen Wehrmacht), es la tèsi segon la quala l'armada del Tresen Reich, la Wehrmacht, èra una institucion apolitica, coma la Reichswehr de la republica de Weimar, a la quala a succedit, e èra innocenta dels crimis de guèrra e dels crimis contra l'umanitat qu'a comés e que son negats o relativizats. Segon aquela teoria, los militars alemands se serián comportats de faiçon onorabla, coma lors adversaris de las armadas aliadas. Lo mite met endavant las capitadas militaras de la Wehrmacht e la glorificacion del soldat alemand per sas valors de coratge e de disciplina.
Las premícias de la reabilitacion de la Wehrmacht apareisson tre , al marge del procès de Nurembèrg : en efièch, un grop d'ancians oficièrs superiors redigís alara, a la demanda del general american William Joseph Donovan, un memòri entitolat L'Armada de tèrra alemanda de 1920 a 1945. Lo mite nais dins las annadas 1950, de la volontat de veterans e d'ancians oficièrs de la Wehrmacht de restaurar l'imatge de l'armada alemanda mentre que los americans desiran la renaissença de las fòrças armadas alemandas dins lo contèxt de la guèrra freja. En octobre de 1950, un grop d'ancians oficièrs superiors adreça al cancelièrKonrad Adenauer, e sus sa demanda, lo « Memorandum sus la formacion d'un contingent alemand per la defensa d'Euròpa de l'Oèst dins l'estructura d'una fòrça internacionala de combat », o memorandum Himmerod, que defend clarament la reabilitacion de la Wehrmacht. Lo mite es entretengut pendent las annadas seguentas per de nombroses obratges apologetics, dont los de l'influent istorian britanic Basil Henry Liddell Hart, que pren sustot la defensa d'Erich von Manstein pendent lo procès d'aqueste. Lo mite s'implanta solidament dins la màger part dels obratges istorics e dins l'opinion publica e perdura entre la debuta de las annadas 1950 e la fin de las annadas 1970.
Aquela tèsi d'una « Wehrmacht a las mans netas » es remesa en causa pels miègs scientifics tre la fin de las annadas 1970. Las avançadas de l'istoriografia pendent las annadas 1980, aital coma la capitada granda de l'exposicion consacrada als crimis de la Wehrmacht, itineranta en Alemanha e en Àustria dins la segonda mitat de las annadas 1990 e visitada per mai o mens 900 000 personas, acaban de la descreditar al près de l'opinion publica. La responsabilitat de la Wehrmacht dins la guèrra d'exterminacion menada sul front de l'Èst, per la començada del Kommissarbefehl, son sosten als massacres de Josieus comeses pels Einsatzgruppen e sa radicalizacion sul front de l'Oèst son uèi establits e largament reconeguts.
Lo batalhon supletiu tonkinois es una unitat militara que, malgrat qu'equipada d'automitralhairas , èra estada creada abans tot per gardar lo contraròtle de sos militars, d'ancians policièrs vietnamians de la concession francesa de Shanghai, e aviá pas qu'una valor militara limitada.
Mamba negre atacant.Lo mamba negre, sèrp lo mai sovent gris clar, deu son nom a la color interiora de sa boca (fòto).
Wikipédia es un projècte d'enciclopèdia collectiva en linha, universala, multilingua e foncionant sul principi del wiki. Aquel projècte a per mira d'ofrir un contengut liurament reütilizable, objectiu e verificable, que cadun pòt modificar e melhorar.
_(cropped).jpg)
