Conselh general d'Aran
(òc) Conselh Generau d'Aran
(ca) Consell General d'Aran
(ès) Consejo General d'Arán
6e
| Tip | Conselh monocaméral |
|---|
| Sindic | Maria Vergés Pérez (UA-PSC) |
|---|---|
| Eleccion |
| Membres | 13 conselhièrs |
|---|
| Grops politics |
|---|
| Darrièr escrutinh | 26 de mai de 2019 |
|---|
Sèti del Conselh general d'Aran, a Vielha.
| Sit web | conselharan.org |
|---|---|
| Veire tanben | Loi sul regim especial d'Aran |
Lo Conselh general d'Aran (en aranés e oficialament Conselh Generau d'Aran) es l'organ de governament autonòm de la Val d'Aran. Es creat per la lei 16/1990 del sul regim especial d'Aran e constituït après las eleccions de 1991. Es format pel Sindic d'Aran (Sindic en aranés) e dotze conselhièrs generals (Conselhers Generaus en aranés), totes elegits pendent las eleccions al Conselh general d'Aran e que s'amassan en amassada, e l'Audiéncia dels comptes (Oïdoria de Compdes en aranés). La lei novèla d'Aran del 21 de genièr de 2015 a alargat las competéncias del Conselh general.
Competéncias[modificar | modificar lo còdi]
Lo Conselh general d'Aran a plena competéncia dins totes los domenis que concernisson lo desvolopament e l'ensenhament de l'aranés e de sa cultura, en acòrdi amb la politica lingüistica e educativa en vigor en Catalonha. En mai, la Generalitat de Catalonha pòt cedir al Conselh general las competéncias dins los domenis seguents :
- Ensenhament
- Cultura
- Servicis socials
- Amainatjament del territòri e urbanisme
- Torisme
- Proteccion, conservacion e gestion del patrimòni istoric e artistic
- Proteccion de la natura, de la montanha e gestion de las vias forestièras
- Agricultura, elevatge, pesca, caça
- Salvaments e extincion d'incendis
- Jeunesse
- Léser e temps liure
- Espòrts
- Environament
- Recuperacion e tractament de degalhs solids
- Santat publica
- Rotas localas
- Transpòrt interior de viatjaires
- Artisanat
En mai, lo Conselh general a las meteissas competéncias que las que son reconegudas per la Generalitat de Catalonha a las encontradas, particularament dins los domenis dels servicis municipals, de la cooperacion entre las comunas e de la planificacion territoriala. Lo Conselh general exercís tanben las competéncias que li delèga l'administracion de la Generalitat.
Lo 21 de genièr de 2015 es dintrada en vigor la novèla Loi d'Aran, que definís de forma mai precisa e alarguèt substancialament las competéncias del Conselh general[1]. Dempuèi, a obtengut de transferiments de competéncias, dins los domenis de la Proteccion civila, del desvolopament del comèrci e l'artisanat e de la gestion dels Archius generals d'Aran[2]
Partits politics[modificar | modificar lo còdi]
Pendent las eleccions al Conselh general d'Aran (ca), los 13 conselhièrs generals son elegits dins sièis circonscripcions que correspondon a las sièis terçons[3]. Los partits politics representats al Conselh general d'Aran dempuèi las eleccions al Conselh general d'Aran de 2019 son[4]:
- Unitat d'Aran - Partit dels socialistas de Catalonha - candidatura de progrès : 9/13
- Convergéncia democratica aranesa - Partit nacionalista aranés : 4/13
Nòtas e referéncias[modificar | modificar lo còdi]
- (òc) « El Parlament de Catalunya aprova la nòva llei d'Aran », sul sit del Conselh general d'Aran, 21 de genièr de 2015.
- [1]
- (ca) Llei 1/2015, del 5 de febrer, del règim especial d'Aran., articles 38 e 26.3.
- « UA-PSC arrebata el Conselh Generau d'Aran a CDA », sus La Vanguardia, (consultat lo )
