Ajuda:Inserir una referéncia
Es donc indispensable, a cada còp qu'ajustatz una informacion, de citar vòstras fonts (vesètz qualas fonts utilizar).
Vocabulari
Una informacion es verificada per una font : un libre, un estudi, un article de premsa, etc. Aquela font es designada per una referéncia : autor, títol, editor, ligam (extèrn), identificant, etc., per fin qu'una persona consultant l'article pòsca saber d'ont proven l'informacion.
Dins lo còs de l'article, òm « cita la referéncia », pel biais d'una nòta de bas de pagina. Las tres nocions essent pròchas, arriba que se parla « d'inserir de referéncias », « citar de las fonts », « citar una referéncia », « sourcer », etc.
NB : una referéncia es distinta d'un ligam intèrn o d'un ligam extèrn. Aquelas tres nocions se rapòrtan a de procediments e objectius diferents.
Coma ajustar de referéncias ?
Un còp qu'avètz trobat de fonts e que vos sètz assegurat de lor fisabilitat, los cal ligar a vòstre article pel mejan de nòtas de bas de pagina. Una nòta es generalament representada per un numèro apareissent jos la forma d'un ligam intèrn a l'article, plaçat en expausaire del tèxt :
Los pterosaures an existit del Triàs superior, i a 225 milions d'annadas (Ma), a la fin del Cretacèu, i a 65 Ma[1].
Aquel ligam intèrn renvia a la definicion de la font, mesa en forma dins una seccion a despart de bas de pagina. Atal, la referéncia « 1 » de l'exemple çai sus serà afichada dins una seccion entitolada « Nòtas e referéncias » en bas d'article ; la sageta blava « ↑ » renvia al ligam intèrn contengut dins lo còs del tèxt de l'article.
Nòtas e referéncias
- « Pterosaures », sus Encyclopædia Universalis (consultat lo ).
Doas interfàcias son disponiblas per inserir de referéncias (per mai d'explicacion sus la diferéncia entre las doas interfàcias, veire Ajuda:Espleches d'edicion), presentadas dins lo tablèu seguent.
| Editor visual« modificar » | Wikicode« modificar lo còdi » |
|---|---|
|
Nivèl debutant : Ajuda:Inserir una referéncia (wikicode) |