Lo mont Ventor es una cima francesa culminant a 1 912 mètres. Fa mai o mens 25 quilomètres de long sus un ais èst-oèst per 15 quilomètres d'ample sus un ais nòrd-sud. Escaissat lo Gigant de Provença o lo mont Chauve, es lo ponch culminant del massís de las Baroniás e la mai nauta cima de Vauclusa.
A causa de sas particularitats topologicas, geologicas e climaticas, es una figura simbolica importanta de Provença avent alimentat racontes e representacions artisticas. Lo luòc es frequentat pels toristas e los esportius ciclistas, caminaires o esquiaires. Es un sit environamental ric e fragil, coma ne testimònia son classament ne resèrva de biosfèra per l'UNESCO e en sit Natura 2000.