Los Ishin Shishis (patriòtas leials a l'emperador e opausats al bakufu) e l'influéncia occidentala accelèran la transicion politica de Japon cap a l'aveniment de l'èra Meiji.
Abolicion dels privilègis : los senhors devon tornar lor domeni a l'Emperador, los samorais se fan defendre lo pòrt del sabre, e los clans militars son brigalhats. L'emperador govèrna d'aquí enlà en « sobeiran absolut ».
Fondacion d'una armada nacionala, lo recrutament militar es alargat. L'armada ven una armada de mestièr e es pas mai una armada basada sus de clans (castas) economicas.
Desvolopament dels mejans de transpòrt (revolucion industriala) : los mejans de transpòrt, coma lo tren (camin de fèrre), facilita lo desplaçament a la popa meteissa del país. Atal, las populacions ruralas venon mai aisidament trabalhar dins las vilas, ont la demanda de man-d'òbra es importanta.
Creacion de l'Ien (novèl sistèma bancari -moneda unica-) que va fòrça facilitar los escambis comercials entre Japon e l'Occident (mas tanben amb los autres païses asiatics).
Educacion : l'ensenhament ven obligatòri. L'Estat crèa d'escòlas publicas plan lèu. Gràcias a l'ensenhament e a una filosofia competitiva, una forma novèla de flor apareis.
L'estatut personal : Per la populacion, la « Restauracion de Meiji » a permés una libertat granda dins la promocion sociala de l'individú. L'accès a las professions e a las carrièras que, de per abans, èran reservadas a d'unas classas es facilitat.
Liberalizacion de l'estatut de la femna : lo drech de vòte serà pas pasmens acordat a las femnas que fòrça mai tard pendent l'ocupacion de Japon en 1946.
Pendent aquel periòde, lo país se moderniza lèu, gràcias al recors a de nombroses conselhièrs estrangièrs, mas tanben al mandadís de nombroses japoneses a l'estrangièr per se formar. Aquela modernizacion tòca a l'encòp los domenis economics e industrials — e entraina la constitucion de grands conglomerats que son los Zaibatsu —, mas tanben artistics. L'urbanizacion rapida que coneis lo país vei l'aparicion de novèls mòdes de consomacion e l'emergéncia d'una cultura de massa que marca prigondament la cultura del país. Lo cinèma japonés fa sas debutas tre 1899, mentre que la literatura, l'arquitectura , o encara la pintura coneisson un dinamisme grand, en integrant d'influéncias estrangièras e en fasent emergir de las formas d'expression pròprias al país. L'atrach per la cultura japonesa es tanben perceptible a l'estrangièr, e aquesta gaudís d'una certana influéncia dins los miègs artistics internacionals, engendrant sustot lo japonisme.
Complèxa militaro-industrial japonés : entre 1938 e 1945, Japon produch 82 324 avions militars (Aichi D3A, Mitsubishi A6M...), siá al cinquen reng mondial pasmens luènh darrièr los 297 199 aparelhs produches pels Estats Units pendent aquel periòde, e conven de soslinhar que 30 a 50 % dels aviam destinats a la marina imperiala son pas estats acceptats en unitats quand an mal escasut a respondre a las especificacions dels militars e deguèron tornar dins los talhièrs.
Monedas en circulacion : Ryō - Ien (a partir de 1871) - Shiling (dins los païses ocupats)
Istòria economica :
Japon se dreça economicament a la debuta del XXe sègle pendent l'èra Meiji, amb una creissença superiora a la d'Alemanha , dins lo reng de las grandas poténcias industrialas (encara quasi cap d'a la fin del XIXe sègle, la produccion d'acièr passa pendent las annadas 1900 de quasi res a près de 200 milièrs de tonas).
La Depression Granda, dicha tanben « crisi de 1929 » en Occident afècta durablament l'economia japonesa egalament.
Bilhet de 1 shiling, mes en circulacion dins los païses ocupats per Japon en Oceania, 1942.
.svg)
