Tutorials

Tutorial aplicacion internet Dicodòc

Tutorial applicacion mobil Dicodòc

Tutorial applicacion mobil Vèrbòc

Tutorial corrector orthografique

Gràcias al sosten de l'euroregion Novèla Aquitània/Euskadi/Navarra, lo Congrès e la fondacion basca Elhuyar an realizat un programa de desvolopament de corrector ortografic universal en occitan lengadocian e gascon.

S'agís d'un esplech « normatiu » del Congrès prepausat gratuitament al public grand, per l'editor de tèxt LibreOffice, los navigators internet Chrome e Firefox, aital coma lo logicial de messatjariá Thunderbird. L'equipa de lexicografia del Congrès a menat un trabalh de normalizacion grafica e ortografica a partir de las òbras del Congrès (Basic, vèrb’Òc, tèrm’Òc, tòp’Òc o encara Lofloc) per tal de prepausar un esplech de referéncia per las apprenants (escolaras, estudiants, adults) e usatgièrs de la lenga.

Telecargar

Tutorial clavièr predictiu

Lo Congrès ven de publicar dos clavièrs predictius en occitan (versàvem gascona e lengadociana) pels telefòns mobils e tauletas Android (clavièr AnySoftKeyboard, telecargables sus la botiga Google Play Store).

Aquel clavièr ergonomic es particularament sonhat en tèrmes de coeréncia lingüistica e de la riquesa lexicala : conten 931 000 formas plegadas pel gascon e 708 000 pel lengadocian, amb de noms pròpris e dels noms de marca. Anysoftkeyboard es un clavièr gratuit jos licéncia liura.

Lo clavièr es estat realizat dins l'encastre de l'apèl a projèctes 2017 « Lengas e numerica » de la Delegacion generala a la lenga francesa e a las lengas de França - Ministèri de la Cultura e de la Comunicacion, en associacion amb CLLE-ERSS (CNRS/Universitat Tolosa Joan Jaurés), Abitar lo mond (Universitat d'Amiens) e LiLPa (Universitat d'Estrasborg). Lo Congrès a realizat, amb la fondacion Elhuyar, los clavièrs predictius per l'occitan gascon e l'occitan lengadocian. En parallèl, de las versions per l'alsacian e lo picard son estadas creadas.

Per installar los clavièrs sus vòstre mobil

1. Installar l'aplicacion AnySoftKeyboard dempuèi Google Play Store.
2. Installar l'aplication Occitan gascon for AnySoftKeyboard o Occitan lengadocian for AnySoftKeyboard (o los dos) disponibles sus Google Play Store.
3. Installar las autras lengas dont avètz besonh (per exemple French for AnySoftKeyboard).
4. Activar AnySoftKeyboard :
   1. Anar dins los paramètres, puèi « Lenga e sasida », puèi « Clavier actual », puèi « Seleccionar de clavièrs ».
   2. Activar AnySoftKeyboard (e mai se es pas la bona lenga qu'es inscricha).
   3. Tornar dins los paramètres, puèi « Lenga e sasida », puèi « Clavier actual ».
   4. Causir AnySoftKeyboard (e mai se es pas la bona lenga qu'es inscricha).

      

   5. Causir las lengas de sasida :
      1. Anar dins los paramètres d'AnySoftKeyboar d (clicar sus l'icòna de l'aplicacion)
      2. Anar dins la gestion de las lengas (incône de la planeta) puèi « Activar los clavièrs e lengas »
      3. Se l'occitan es plan activat, i aurà un simbòl de validacion (✔) ennaut de l'imatge del clavièr. S'es pas activat, vos cal clicar dessús.
      4. Activatz totas las autras lengas dont avètz besonh e desactivatz los autres.

La causida de la lenga se fa quand picatz lo tèxt. Quand utilizatz lo clavièr, podètz cambiar la lenga de sasida en clicant sul nom de la lenga qu'es afichat ennaut a drecha.