de formas occitanas
formas francesas
parelhs de traduccions
varietats de l'occitan
Revirada es lo traductor automatic del Congrès permanent de la lenga occitana. Es bastit sus la basa del motor Open font Apertium e intègra las ressorsas melhoras de la plataforma occitana de referéncia, locongres.org : 8 diccionaris franceses-occitan e occitan-francés, la totalitat de las conjugasons, aital coma las basas toponimicas e terminologicas.
A calgut mantuna annada de trabalh a nòstra equipa per crosar e armonizar las donadas dels diferents obratges. De desvolopaments innovants permeton de seleccionar los parelhs melhors de traduccion per un resultat optimal.
Lo traductor cobrís l'ensemble de la diversitat lingüistica infradialectale dins lo sens occitan-francés : Revirada, en efièch, reconeis mai d'un milion de formas plegadas (mots conjugats o declinats) representativas de la diversitat dels parlars de las airas gascona e lengadociana.
Dins lo sens francés-occitan, los esfòrces an portat sus la produccion d'una lenga modèrna, coerenta e de qualitat. Mantuna centena de règlas de seleccion lexicala e dels algoritmes de pòst-tractament avançats permeton de garantir una lenga la mai autentica possibla.
Aquela primièra version, limitada per ara a l'occitan lengadocian e a l'occitan gascon, a coma objectiu d'èsser enriquida e melhorada. L'esplech serà donc regularament actualizat e, per aquò far, avèm besonh de l'ajuda de la comunautat dels utilizators ! Se, quand utilizatz Revirada, vesètz de causas a melhorar, mercé de los nos notar per lite.framacalc.org/errorsrevirada-9vh4.
Mai besonh de redigir vòstres articles en doas lengas. Sufís d'ajustar en qualques clics un boton que mena a una version de vòstre sit traducha automaticament.
Desvolopaires, volètz integrar de traduccion automatica dins vòstres programas ? Vaquí l'API que met a vòstra disposicion la qualitat de las traduccions de Revirada.
Volètz la qualitat d'una traduccion umana sus vòstre sit web, mas tot traduire es tròp long ? Prétraduisez automaticament lo contengut de vòstres articles/paginas Wordpress, auretz pas mai qu'a corregir.