Se sap dempuèi mantuna annada que la gendarmariá nacionala a adobat lo logicial liure, e demest aqueles logicials liures Thunderbird d'ara enlà desvolopat jos l'egida de Mozilla Messaging. Çò que se sap per contra mens, es lo gra d'implicacion de la gendarmariá nacionala dins lo còdi de Thunderbird.
Pel projècte Trustedbird, sustot gerit pel ministèri de la defensa francés e iniciat per la gendarmariá nacionala del temps ont èra restacada a aquel ministèri, l'objectiu afichat es de " réaliser de novèlas foncionalitats jos licéncias liuras " per Thunderbird. Un trabalh menat en concertacion amb la Fondacion Mozilla.
En mai d'un milièr d'autres contribuïdors, Reuters indica qu'aquel trabalh a l'entorn de Trustedbird a dirèctament profechat a la tota recenta tresena mòlta de Thunderbird, fins dins son còdi. Responsable de Mozilla Messaging, David Ascher a atal declarat que los cambiaments portats an afortit lo mecanisme permetent de s'assegurar qu'un messatge es plan estat legit.
La gendarmariá nacionala utiliza Thunderbird amb de còps una extension Trustedbird sus mai d'80 000 pòstas informaticas. Una solucion egalament desplegada dins mantun ministèri dont lo de las Finanças, de la Cultura, de l'Interior, de la Defensa.
